തണ്ണീര്‍മത്തന്‍ കൃഷി തുടങ്ങാനുള്ള സമയമാണിത്. കീടങ്ങളുടെ ആക്രമണം വിത്തിട്ട അന്നു മുതലുണ്ടാകുന്ന വിളയാണിത്, അതിനാല്‍ കൃത്യമായ പരിചരണം അത്യാവശ്യം.
By Harithakeralam
പണ്ടൊക്കെ ഇതര സംസ്ഥാനങ്ങളില്‍ നിന്നുമെത്തിയിരുന്നു തണ്ണിമത്തനിപ്പോള്‍ കേരളത്തില്‍ വ്യാപകമായി കൃഷി ചെയ്യുന്നുണ്ട്. ചൂടുള്ള കാലാവസ്ഥയില്‍ ശരീരത്തിന് കുളിര്‍മ നല്‍കാന്‍ നല്ലൊരു ഭക്ഷ്യവസ്തുവാണ് തണ്ണീര്‍മത്തന്‍. ഇപ്പോള്‍ കേരളത്തില്‍ മിക്കയിടത്തും തണ്ണീര്‍മത്തന്‍ കൃഷി ചെയ്യുന്നുണ്ട്. വത്തക്ക, കുമ്മട്ടി എന്ന പേരിലും ഇതറിയപ്പെടുന്നു. തണ്ണീര്‍മത്തന്‍ കൃഷി തുടങ്ങാനുള്ള സമയമാണിത്. കീടങ്ങളുടെ ആക്രമണം വിത്തിട്ട അന്നു മുതലുണ്ടാകുന്ന വിളയാണിത്, അതിനാല്‍ കൃത്യമായ പരിചരണം അത്യാവശ്യം.
വിത്തിന്റെ സെലക്ഷന്‍ കൃഷി വിജയത്തില്‍ പ്രധാനമാണ്. ഫാമിലി പാക്ക്, പാര്‍ട്ടി പാക്ക് എന്ന തരത്തില്‍ തണ്ണിമത്തന്‍ ഇനങ്ങളെ രണ്ടായി തിരിച്ചിട്ടുണ്ട്. ചെറിയ തണ്ണിമത്തനുകളാണ് ഫാമിലി പാക്ക്, അതായത് ഒരു കുടുംബത്തിന് കഴിക്കാന്‍ ഒരെണ്ണം വാങ്ങാം. പാര്‍ട്ടി പാക്ക് ഇനങ്ങള്‍ വലിയ തണ്ണിമത്തനുകളായിരിക്കും. കേരളത്തില്‍ ഫാമിലി പാക്ക് ഇനങ്ങള്‍ കൃഷി ചെയ്യുകയാണ് ഉചിതം. ബാംഗ്ലൂരിലെ ഇന്ത്യന്‍ ഇന്‍സ്റ്റിറ്റ്യൂട്ട് ഒഫ് ഹോട്ടികള്‍ച്ചറല്‍ റിസര്‍ച്ച് പുറത്തിറക്കിയ അര്‍ക്ക ഇനങ്ങള്‍ കേരളത്തിലെ കാലാവസ്ഥയ്ക്ക് ഏറെ നല്ലതാണ്. മാണിക്, ജ്യോതി, ആകാശ്, ശ്യാം തുടങ്ങിയ ഇനങ്ങള്‍ നല്ല തോടും ചുവന്ന കാമ്പും ഉള്ളവയാണ്. കേരള കാര്‍ഷിക സര്‍വകലാശാല പുറത്തിറിക്കയ സ്വര്‍ണ, ശോണിമ, ഷുഗര്‍ ബേബി എന്നിവയും നല്ല വളര്‍ച്ചയുള്ളവയാണ്.
.png)
കൃഷി തുടങ്ങാന്‍ അനുയോജ്യ സമയമാണിപ്പോള്‍. ഇപ്പോള്‍ തന്നെ മണ്ണിളക്കി അല്‍പ്പം നനച്ചു വെയില്‍ കൊള്ളിക്കണം. ഇതിലേക്ക് കാല്‍ കിലോ കുമ്മായം കൂടി ചേര്‍ക്കുക. കുറച്ചു ദിവസം നല്ല പോലെ സൂര്യപ്രകാശം തടത്തില്‍ ലഭിക്കണം. തുടര്‍ന്ന് രണ്ടടി വ്യാസത്തിലും ഒന്നരയടി താഴ്ചയിലും കുഴിയെടുത്ത് വിത്തിടാം. ഒരു തടത്തില്‍ അഞ്ച് വിത്ത് വരെയിടാം. ഉണങ്ങിപ്പൊടി കാലിവളം, 40 ഗ്രാം യൂറി, 25 ഗ്രാം പൊട്ടാഷ് എന്നിവയും തടത്തില്‍ ചേര്‍ക്കണം. ട്രേയില്‍ വിത്തിട്ട് തൈ പറിച്ചു നടുന്ന രീതിയും നല്ലതാണ്.
മത്തന്‍ വണ്ടാണ് തണ്ണീര്‍മത്തന്റെ പ്രധാന ശത്രു. വിത്തിടുന്നതു മുതല്‍ ഈ കീടത്തിന്റെ ശല്യമുണ്ടായിരിക്കും. കുഞ്ഞു തൈയാകുമ്പോള്‍ തന്നെ ഇവ ആക്രമണം തുടങ്ങും, ഇല തിന്ന് അരിപ്പ പോലാകും. പുഴുക്കല്‍ തണ്ടില്‍ കുത്തികയറും വേരും നശിപ്പിക്കും. ബിവേറിയ എന്ന മിത്ര കുമില്‍ നടുമ്പോള്‍ തന്നെ ഒഴിച്ചു കൊടുത്ത് മത്തന്‍ വണ്ടിനെ തുരത്താം. വിത്ത് ഇടുന്ന അന്നു തന്നെ ബിവേറിയ 20 ഗ്രാം ഒരു ലിറ്റര്‍ വെള്ളത്തില്‍ എന്ന തോതില്‍ കലക്കി തളിക്കണം. വെര്‍ട്ടിസീലിയം ലക്കാനിയും ഇതേ രീതില്‍ ഉപയോഗിക്കാം. ചെടി വളരാന്‍ കാത്തു നില്‍ക്കരുത്, അതിന് മുന്നേ തളിക്കണം. ഇലകള്‍ വന്നു തുടങ്ങിയാല്‍ മൂന്ന് മില്ലി വേപ്പെണ്ണ, 3 മില്ലി ഷാംപൂ എന്നിവ ഒരു ലിറ്റര്‍ വെള്ളത്തില്‍ കലക്കി സ്പ്രേ ചെയ്യണം. കായീച്ച, ആമവണ്ട് എന്നിവയെ തുരത്താനിതു സഹായിക്കും.
നന്നായി വള്ളി വീശി തുടങ്ങിയാല്‍ പ്രൂണിങ് ചെയ്തു നല്‍കണം. എന്നാല്‍ മാത്രമേ നല്ല പോലെ കായ്ക്കൂ. വളളി വീശിപോകുന്ന ഇടങ്ങളില്‍ കരിയിലയോ ഉണങ്ങിയ തെങ്ങിന്‍ പട്ടയോ ഇട്ടു കൊടുക്കുന്നത് നല്ലതാണ്. ഇടയ്ക്ക് പൊട്ടാഷ് ചേര്‍ത്തു നല്‍കാം. ചാണകം- ഗോമൂത്രം-കടപ്പിണ്ണാക്ക് പുളിപ്പിച്ച് ഇലകളില്‍ തളിക്കുന്നതും തടത്തിലൊഴിക്കുന്നതും നല്ലതാണ്. ഗുണനിലവാരമുള്ള സ്യൂഡോമോണസ് തളിക്കുന്നതും ഗുണം ചെയ്യും.
.jpg){kind=tracking}
ഏറെ ആശയോടെയാണ് നാം മാവിന്‍ തൈകള്‍ വാങ്ങി വീട്ട്മുറ്റത്ത് നടുക. നാടന്‍ മാവുകള്‍ വളര്‍ന്നു വിളവ് തരാന്‍ വര്‍ഷങ്ങള്‍ വേണ്ടി വരും, എന്നാല്‍ ഒട്ടുമാവുകളില്‍ ചുരുങ്ങിയ കാലം കൊണ്ടു മാങ്ങകളുണ്ടാകും. ഇതിനിടെ പല…
By Harithakeralam
ബട്ടര്‍ഫ്രൂട്ട്' എന്ന അന്വര്‍ത്ഥമായ പേരില്‍ അറിയപ്പെടുന്ന അവൊക്കാഡോ മെക്‌സിക്കന്‍ വനാന്തരങ്ങളുടെ സംഭാവനയാണ്. ഉഷ്ണമേഖലാ സാഹചര്യമുള്ള എല്ലാ പ്രദേശങ്ങളിലും സുലഭമായി വളരുന്ന അവൊക്കാഡോ, ക്രിസ്ത്യന്‍ മിഷണറിമാരാണ്…
By Harithakeralam
മത്തന്‍ കുത്തിയാല്‍ കുമ്പളം മുളയ്ക്കില്ലെന്നാണ് പഴം ചൊല്ല്. എന്നാല്‍ മത്തന്‍ തന്നെ മര്യാദയ്ക്ക് വിളയുന്നില്ലെന്നാണ് കര്‍ഷകരുടെ പരാതി. ഇതിന് പ്രധാന കാരണം നമ്മുടെ പരിചരണത്തിലെ പോരായ്മകള്‍ തന്നെയാണ്. ലാക്റ്ററേറ്റ്…
By Harithakeralam
മാമ്പഴക്കാലം നമ്മുടെ നാട്ടില്‍ തുടങ്ങിക്കഴിഞ്ഞു. ഇന്ത്യയില്‍ ആദ്യം മാങ്ങയുണ്ടാകുന്ന കേരളത്തിലെ അവസ്ഥ വളരെ ശോകമാണ്. കാലാവസ്ഥ പ്രശ്‌നം കാരണം ഇവിടെ നാടന്‍ മാങ്ങകള്‍ പോലും കിട്ടാക്കനിയാണ്. മുതലമട പോലെ മാമ്പഴം…
By Harithakeralam
ഗുണങ്ങള്‍ നിറഞ്ഞ പപ്പായ നമ്മുടെ പറമ്പിലെ സ്ഥിരസാനിധ്യമാണ്. പഴുത്ത് പഴമായി കഴിക്കാനും പച്ചയ്ക്ക് വിവിധ തരം കറികളുണ്ടാക്കാനും പപ്പായ ഉപയോഗിക്കുന്നു. ഒരേസമയം പഴത്തിന്റെയും പച്ചക്കറിയുടേയും ഉപയോഗം ലഭിക്കും…
By Harithakeralam
കടുത്ത ചൂടില്‍ ആശ്വാസം പകരാന്‍ തണ്ണിമത്തനോളം നല്ലൊരു പഴം വേറെയില്ല. എന്നാല്‍ നല്ല പരിചരണം ആവശ്യമുള്ള വിളയാണിത്. വള്ളി വീശി വളരുന്നതിനാല്‍ കീടങ്ങളുടെ ആക്രമണവും കൂടുതലായിരിക്കും. വള്ളി വീശി പൂവിടാന്‍ തുടങ്ങിയ…
By Harithakeralam
സ്വര്‍ണം പോലെ വിലക്കയറ്റമാണ് നേന്ത്ര വാഴയ്ക്ക്. 100 ന് അടുത്തെത്തിയിരിക്കുന്നു വില, കേരളത്തില്‍ ഉത്പാദനം കുറഞ്ഞതും ഇതര സംസ്ഥാനത്ത് നിന്ന് പഴം ആവശ്യത്തിന് എത്താത്തതുമാണ് വിലക്കയറ്റത്തിന് പ്രധാന കാരണം.…
By Harithakeralam
വിറ്റാമിനുകളാല്‍ സമ്പന്നമാണ് പേരയ്ക്ക. വിവിധ ഇനത്തിലുള്ള പേരകള്‍ ലോകത്തുണ്ട്. ഇവയില്‍ എല്ലാം തന്നെ നമ്മുടെ കാലാവസ്ഥയില്‍ നല്ല വിളവ് തരുന്നതാണ്. എന്നാല്‍ ഭൂമിയില്‍ ഇന്നുള്ളതില്‍ ഏറ്റവും മികച്ചയിനം പേര…
By Harithakeralam
© All rights reserved | Powered by Otwo Designs
Leave a comment